سترسالہ ان پڑھ خاتون نے حفظ ِقرآن مکمل کرلیا

سلطنت اردن کی ایک ستر سالہ خاتون ام طٰہ شہر زرقاء میں سلائی کا کام کرتی تھی، پڑھنا لکھنا بالکل نہیں جانتی تھی، ایک دن اس نے اپنے محلے کی ایک چھوٹی بچی سے کہا کہ میری خواہش ہے کہ لفظ ’’اللہ “ لکھنا سیکھ لوں ، تم مجھے اللہ کا نام لکھنا سکھا دو ۔ چنانچہ بچی نے بوڑھی ماں کو ”اللہ “ لکھنا سکھا دیا ۔ اللہ سیکھتے ہی بڑے شوق سے یہ لفظ پورے قرآن میں ڈھونڈنے لگی، اس کے اندر پڑھنے کا مزید داعیہ پیدا ہوا، چنانچہ اس نے تحفیظ قرآن کے ایک مرکزمیں داخلہ کرا کر قرآن سیکھنا شروع کردیا، یہاں تک کہ ایک دن ناظرہ قرآن پڑھنا سیکھ لیا پھر اس کے اندر حفظ قرآن کا شوق پیدا ہوا چنانچہ چند ہی سال گزرے تھے کہ پورا قرآن بھی حفظ کرلیا ۔