غیرمسلم تارکین وطن کے لیے ایک دعوتی پروگرام كا انعقاد

لجنة التعریف بالاسلام کے تعاون سے کویت یونیورسٹی،کیفان برانچ کے زیراہتمام غیرمسلم تارکین وطن کے لیے ایک دعوتی پروگرام کا نظم کیا گیا جس میں ستر سے زائد ملازمت پیشہ غیرمسلم مردوخواتین نے شرکت کی، ان کے سامنے توحید ،رسالت اوریوم آخرت کا پیغام آسان زبان میں بیان کرنے کی کوشش کی گئی-

ہم یہاں کیوں آئے ہیں ، اس دنیا کا کوئی خالق و مالك ہے یا نہیں ؟ اگر ہے تو ایک ہے یا انیک ، اگر ہے تو دکھائی کیوں نہیں دیتا ،ہم پراس کے کیا کیا احسانات ہیں، اس نے ہمیں کیوں پیدا کیا، ہماری ہدایت کا کیسے بندوبست کیا گيا، انبیاء و رسل کا پیغام کیا تھا ، انسان کی گمراہی کے اسباب کیاتھے،آج انسان كو اللہ کی سچی ہدایت کہاں مل سکتی ہے، اسلام کی بنیادی خصوصیات کیا ہیں؟

جیسے نکات پر گفتگو کی گئی ۔ ان کے اشکالات کے جوابات دئیے گئے ، سب نے دلچسپی سے باتیں سنیں ۔پروگرام کے اخیرمیں ان کے بیچ دعوتی کتابیں تقسیم کی گئیں ۔اللہ پاک سے دعا ہے کہ انہیں ہدایت سے نوازے ۔